FÍG

Ágætu félagsmenn 

Aðalfundur Félags íslenskra gullsmiða verður haldinn laugardaginn 21. mars nk. í golfskála Golfklúbbs Reykjavíkur (GR), Grafarholti og hefst klukkan 17:00.

Dagskrá aðalfundar:

1. Inntaka nýrra félaga
2. Fundargerð síðasta aðalfundar
3. Skýrsla stjórnar
4. Skýrslur nefnda
5. Kosning nýrrar stjórnar
6. Kosning í nefndir
7. Önnur mál

Stjórn Félags íslenskra gullsmiða.

Verður haldinn miðvikudaginn 11. febrúar nk. í Húsi atvinnulífsins Borgartúni 35, í fundarsalnum Kviku og hefst kl. 19:00.

Dagskrá fundarins:

• 1. Inntaka nýrra félaga.
• 2. Meistari – Nemi – Sveinspróf
• 3. Gullsmiðatal

Með kveðju, Stjórn Félags íslenskra gullsmiða.

Hér eru gullsmiðir sem bjóða fagra skrautmuni sem henta vel í tilefni konudags og Valentínusardagsins.

kæru félagar og landsmenn allir. Gleðilegt nýtt ár, ár sem SÞ tileinka rannsóknum á ljósi og jarðvegi. Þökkum allt gamalt og gott, stjórn og nefndir FÍG.

og styrkjum þannig stoðir samfélagsins.  Þessi fyrirtæki eru aðilar að Félagi íslenskra gullsmiða, þar sem farmennska  tryggir hagsmuni neytenda (félagatal).

Á morgun fimmtudaginn 4. desember mun Hönnunarmiðstöð Íslands bjóða í aðventuknús að Vonarstræti 4b. Gaman væri ef gullsmiðir sæu sér fært að kíkja við, þar sem Félag íslenskra gullsmiða er ein af grunnstoðum Hönnunarmiðstöðvar.

Eftir aðventuknúsið er þá ekki tilvalið að við gullsmiðir hittumst á Happy hour á B5 kl. 19:00, eiga stutta (langa ef Leifur og Dídi mæta) kvöldstund saman svona rétt áður en að haldið er inn í jólastússið!

Kveðja,

nefndin.

 

 

 

 

Í Morgunblaðinu í dag, 15. nóvember, er heilsíðuaulgýsing frá gullkaupanda sem fullyrðir að hann greiði meira fyrir gull en gullsmiðir. Í ljós kom að hann greiðir 1.800,- fyrir 14k gramm meðan tveir gullsmiðir sem rætt var við greiða 2.000,- Óhætt er að segja að þessi auglýsing sé villandi og varla í takt við eðlilega viðskiptahætti.

Næstkomandi fimmtudag, þann 20. nóvember kl. 20:00 mun dr. Hjalti Franzson jarðfræðingur hjá Íslenskum orkurannsóknum flytja fyrirlestur um gull í náttúrunni. Þar mun hann meðal annars rekja sögu gullleitar á Íslandi og hvað það er í íslenskri náttúru sem leiðir til að gullútfellingar myndast. Einnig mun hann fjalla um hvaða aðferðum gullleitarmenn beita til að ná sem bestum árangri, hvernig mat á vænlegum svæðum er gert og hvernig gullið er unnið úr berginu. Er von til þess að íslenskir gullsmiðir geti notað íslenskt gull í framtíðinni? Fyrirlesturinn er í tengslum við afmælissýningu FÍG, Prýði, sem stendur yfir í Hönnunarsafni Íslands í Garðabæ.

Kíkið við á fimmtudagskvöldið og fræðist um áhugavert efni!

Nú þegar glæsileg sýning FÍG, Prýði, stendur yfir í Hönnunarsafni Íslands er rétt að minnast brautryðjanda sem féll frá þann 20. október s.l.