Tenerife er stærsta eyja Kanaríeyjaklasans og þar er perlufyrirtækið -Tenerife Pearl-. Fyrirtækið rekur 7 verslanir á eyjunum og stóran sýningarsal í Adeje á Tenerife.
Þar er hægt að fylgjast með fólki vinna við að þræða festar og ná perlum úr skeljum. Fyrirtækið vinnur með hönnuðum og sjá má afraksturinn í sýningarsölum þess.
Skartgripir sem skarta ræktuðum ferskvatnsperlum, sjávarperlum, Havaí perlum og dýrindis suðurhafsperlum fylla sýningarsali.
Starfsfólk veitir góð ráð í sambandi við umhirðu. Það helsta sem hafa ber í huga er að forðast að perlur komist í snertingu við snyrtivörur, sápur og olíur. Best er að þrífa perlur með rökum klút. Geyma á perlur þar sem þær nuddast ekki saman við t.d. aðra skartgripi. Einnig ráðleggur starfsfólkið að festar séu þræddar einu sinni á ári ef þær eru oft notaðar.
AR