FÍG

 

 

Arna stjarna formaður FÍG og netnefnd heimsóttu listamanninn Sigurð Hrafn og konu hans Grétu á fallegt heimili þeirra í Mosfellsbæ. Áttu þar góða og eftirminnilega stund.

 

 

Netnefnd bankaði uppá hjá Dóru G. Jónsdóttur í Gullkistunni við Frakkastíg. Þar má lesa sögu fagsins í verkfærum og húsgögnum sem þjóna enn sínu hlutverki fullkomlega.

 

 

 

 

Þriðjudaginn 15. október kl. 12  flytur Lilja Árnadóttir erindi sem hún nefnir Leiðin að Silfri Íslands. 

Í erindinu sem er liður í fyrirlestraröð Þjóðminjasafnsins mun Lilja varpa ljósi á hversu fjölþætt vinna, umfangsmikil skráning og rannsóknir liggja að baki sýningunni Silfur Íslands sem nú stendur í Bogasal Þjóðminjasafnsins.

Bleika Slaufan 2013 er hönnuð af þeim Ástþór og Kjartani gullsmiðum hjá Orr og er sérlega falleg þetta árið. Bleika Silfurslaufan 2013 er handunnin viðhafnarútgáfa Bleiku Slaufunnar, og er hún smíðuð á verkstæði hönnuðanna, Orr í Bankastræti 11. Þar er hún fáanleg og einnig hjá gullsmiðum víða um land.

Orr gefur alla vinnu við hönnun og smíði slaufunnar sem og allan ágóða af sölu hennar og rennur hann til Krabbameinsfélagsins.

Form slaufunnar  myndar tákn óendanleikans sem umlykur steininn. Hún minnir okkur þannig á að óendanlegur kærleikur okkar hvert í annars garð er dýrmætasta umgjörðin um lífið og mikilvægi þess að við stöndum þétt saman þegar erfiðleikar steðja að.  Heimasíða Orr.

Ýmislegt sem tengist gullsmiðum og faginu má finna hér.  M.a. frásagnir af Ebeneser Guðmundssyni gullsmið sem reisti fyrsta veitingahúsið á Kolviðarhóli.  Þar bar margt furðulegt fyrir þ.a. dvölin varð skemmri en hann ætlaði.

 

Dóra G. Jónsdóttir sendi þessa skemmtilegu auglýsingu frá 1928. Í bréfi sem fylgdi segir hún:

,,Fann þessa gömlu auglýsingu og fannst líklegt að fleirum þætti gaman
að sjá hana.  Þarna er líka staðfesting á samstarfi þeirra Aðalbjarnar og Guðjóns.”

Aðalbjörn Pétursson AP (1902 – 1955) og Guðjón Rósinkrans Bernharðsson GB (1901 – 1978) notuðu stimpilinn G&A þegar þeir störfuðu saman.

 

 

 

 

 

 

 

 

 

 

 

Leifur Jónsson  gullsmíðameistari og hönnuður leit við hjá Netnefnd FÍG.  Sagði frá starfsemi sinni í máli og nokkrum myndum, brosmildur að vanda.

 

 

 

 

 

 

 

 

Við Skólavörðustíginn, sem endurreist Skólavarðan vaktar,  er verslunin húnoghún.  Þar innanbúðar fann netnefnd FÍG Sif Ægisdóttur gullsmið.  Hún hafði frá mörgu skemmtilegu að segja.